【新手網店創業教學】用$3,000成本創業開店 1年回本 達6位數生意額

網上購物盛行，開網店唔需要考慮租金成本，因此吸引愈嚟愈多人開網店創業。八年前辭去店務員工作，喺Instagram自己開網店做老闆，由最初月賺幾千蚊到而家做到月入6位數字。經營嘅香港自家飾物品牌，相信大家都唔會陌生。創業初期佢用咗$3000買配件、飾物，放上Instagram賣，小試牛刀，結果兩日就回到本。佢亦越戰越勇，上年更開咗一間服裝網店。疫情前，佢親自去世界各地搜鑼貨品，建立一個平台畀其他小資女可以有一個集中嘅地方買到自己鐘意嘅衣物。喺網店入面，每一件都係佢精心挑選嘅心頭好。

1.選擇產品

開網店之前要做好資料搜集，了解貨品嘅來源同物料。建議大家要選擇自己鐘意嘅產品，因為開網店無論係搵新貨源、宣傳貨品、收貨、包裝、寄貨，全部都要親力親為。售賣自己鐘意嘅貨品可以幫肋自己生意做到瓶頸位嘅時候都保持熱情。

2.建立IG網店平台宣傳產品

只要用一部電話，開個Instagram page，就可以影相、拍片、做content， 人人都可以零成本創業。佢每日都會更新Instagram Story同定期更新Instagram Feed，將最新嘅產品介紹畀佢嘅followers。喺建立品牌形象方面都非常用心，佢會去香港唔同地方搵靚景影產品相，為品牌注入獨一無二嘅形象。

3.付款方式

設立一個安全及完整嘅付款模式係建立網店一個非常重要嘅環節。網店通常都係用電子錢包，例如PayMe、轉數快（FPS）或者傳統銀行轉帳方式交易。所以喺開網店之前，最好喺各大銀行設立個人戶口及申請電子錢包，方便日後同廠商以及客人交易。

4.物流與運送

一般網店通常都係用平郵或者順豐速運嘅方式寄送。運送時間一般都係即日或者一個工作天就可以送到，1kg以下嘅貨品大概會收取$20-30運費。如果想方便日後寄貨，店家可以預先喺順豐拎定一大堆包裝袋同貼子，方便處理大量貨品包裝。

5.商業登記證

為賺取利潤而從事任何形式嘅生意，都需要登記商業登記證，所以開IG網店都唔例外。獨資店主只需要預備身份證明影印本，登記費用（一年證$250 ，三年證$3950），及一個商業登記證上面嘅業務名稱就可以申請商業登記證。申請人可以網上申請、郵寄或以親身提交嘅方式申請商業登記證。如果係親身提交申請，申請人可以喺30分鐘內取得商業登記證。如果係透過郵寄或網上申請，大概2個工作天內就可獲得商業登記證。